Odamlar faqat bir ummat bo`lgan edilar. So`ngra, ixtilofga tushdilar. Agar Robbing tomonidan aytilgan so`z bo`lmaganida, ular ixtilof qilayotgan narsa haqida oralarida hukm qilingan bo`lar edi. Yunus 10:19 ⧉
Tafsir:
Odamlar birgina dinda (tavhid dinida) boʻlib, hammalari moʻmin edilar. Keyin boʻlinib ketdilar. Kimdir moʻminligida qoldi, kimdir kofir boʻldi. Allohning bu dunyodagi ixtiloflar borasida Qiyomat kuni hukm chiqarish haqidagi hukmi boʻlmaganida edi, shu dunyoning oʻzidagina hukm chiqarib, adashgan bilan hidoyat topgan ajralib qolgan boʻlar edi.