Bas, sen va sen bilan tavba qilganlar mustaqiym turinglar va tug`yonga ketmanglar. Chunki, U nima qilayotganingizni ko`rib turguvchidir. Hud 11:112 ⧉
Tafsir:
Ey Paygʻambar, Parvardigoringiz qandoq buyurgan boʻlsa, oʻshandoq toʻgʻri yoʻlni mahkam tutib, U Zotning buyruqlarini bajaring va taqiqlaridan tiyiling. Siz bilan birga tavba qilgan moʻminlar ham xuddi sizdek boʻlsinlar. Gunohlar qilib, haddingizdan oshmanglar. U Zot qilayotgan ishlaringizni koʻrib turguvchidir. Bironta amalingiz U Zotdan yashirin qolmaydi va yaqinda amallaringizga yarasha jazo yoki mukofotingizni beradi.