Ey qavmim, Robbingizga istig`for ayting, so`ngra Unga tavba qiling, shunda U ustingizga osmondan baraka yomg`iri yuboradi va quvvatingizga quvvatni ziyoda qiladi. Jinoyatchi bo`lgan holingizda yuz o`girib ketmang», dedi. Hud 11:52 ⧉
Tafsir:
Ey qavmim, Allohdan magʻfirat soʻrangiz, keyin gunohlaringizga tavba qilingiz. Shunda Alloh sizga ajru savob berib, osmondan koʻp yomgʻir yogʻdiradi. Zurriyotingiz va mol-davlatingizni ziyoda qilib, kuchingizga kuch qoʻshadi. Davatimdan yuz oʻgirmangiz. Aks holda, jinoyatchilardan boʻlib qolursiz. Zero, mening davatimdan yuz oʻgirib, Allohga kufr keltirish va risolatni yolgʻonga chiqarish katta jinoyatdir.