Alloh xohlagan kishisining rizqini keng qilur va (xohlagannikini) tor qilur. Ular bu dunyo hayoti ila shod bo`ldilar. Holbuki, bu dunyo hayoti oxirat oldida arzimas matoh, xolos. Ra'd 13:26 ⧉
Tafsir:
Alloh Oʻzi istagan odamiga rizqni moʻl qilib beradi. Istagan bandasiga tang qiladi. Rizqning moʻl boʻlishi saodatni yoki Allohning muhabbatini anglatmaydi. Rizqning tang boʻlishi esa baxtsizlik nishonasi emas. Kofirlar shu dunyoning oʻziga xursand boʻlib, unga qapishib oladilar. Holbuki, dunyo hayoti oxirat oldida bir arzimas, oʻtkinchi matodir.