Robbilariga kufr keltirganlarning amallarining misoli, xuddi bo`ronli kunda shamol uchirib ketgan kulga o`xshaydir. Ular o`z kasblaridan biror narsaga ega bo`lmaslar. Ana o`sha uzoq adashuvning o`zidir. Ibrohim 14:18 ⧉
Tafsir:
Kofirlarning sadaqa, ehson, zaifga rahm qilish kabi yaxshi amallari kulga oʻxshaydi. Bir qattiq shamol esib qolsa, hammasini uchirib ketadi, ulardan asar ham qolmaydi. Kofirlarning amallari ham shunday. Qiyomat kuni asqotmaydi, ulardan foyda boʻlmaydi. Zero, iymonga asoslanmasdan ish qilish haq yoʻldan uzoqlarga adashib ketib qolishdir.