Va iymon keltirib, amali solih qilganlar ostidan anhorlar oqib turgan jannatlarga kiritildi. Unda Robbilari izni ila abadiy qolurlar. Ularning undagi so`rashishlari «Salom»dir. Ibrohim 14:23 ⧉
Tafsir:
Zolimlarning oqibatiga zid oʻlaroq, iymon keltirgan va yaxshi amallarni qilgan moʻminlar qasrlari va daraxtlari ostidan anhorlar oqib oʻtadigan jannatlarga kiritilib, Parvardigorlarining izni ila u yerlarda mangu qoladilar. Bir-birlari bilan salomlashadilar, farishtalar ularga salom beradi, Parvardigorlari ham salom beradi.