Robbingning yo`liga hikmat va yaxshi mav'iza ila da'vat qil. Va ular ila go`zal uslubda mujodala et. Albatta, Robbing O`z yo`lidan adashganlarni o`ta bilguvchi va hidoyat topguvchilarni ham o`ta bilguvchidir. An-Nahl 16:125 ⧉
Tafsir:
Ey Paygʻambar, Islom diniga oʻzingiz va moʻminlar odamlarning ahvoliga, tushunishiga, boʻysunishiga qarab, hikmat bilan hamda qiziqtirish va ogohlantirish uslubidagi chiroyli nasihat ila davat etinglar. Ular bilan eng goʻzal tarzda fikriy mujodala qilinglar. Odamlarni yoʻlga solish sizning vazifangiz emas. Sizning vazifangiz yetkazib qoʻyish, xolos. Albatta, Parvardigoringiz Islom dinidan adashganni ham bilguvchiroq, hidoyat topib, musulmon boʻlganlarni ham bilguvchiroq Zotdir. Shunday ekan, siz oʻzingizni qiynamang.