Qasamlaringizni orangizda aldov vositasi qilib olmang. Bas, qadam sobit bo`lganidan so`ng toymasin va Allohning yo`lidan to`sganingiz uchun yomonlikni tatib yurmang. Sizga ulkan azob bo`lmasin. An-Nahl 16:94 ⧉
Tafsir:
Qasamlaringizni bir-birlaringizni aldash uchun bir vositaga aylantirib olmangiz. Havoyi nafsingizga ergashib, istagan paytingizda unga vafo qilib, istagan paytingizda buzib ketavermangiz. Aks holda toʻgʻri yoʻlga mahkam oʻrnashib olgan qadamlaringiz toyib, Allohning yoʻlidan oʻzingiz ham adashib, boshqalarni ham adashtirganingiz bois azobni totib qolasiz va sizlarga azob koʻpaytirib berilur.