Albatta, Robbing rizqni kimga xohlasa, keng qilur yoki tor qilur. Albatta, U bandalaridan xabardor va ko`rguvchi Zotdir. Al-Isra 17:30 ⧉
Tafsir:
Albatta, Parvardigoringiz Oʻzi istagan odamga rizqni keng qilib beradi va Oʻzi istagan odamga tang qilib beradi. Bu ishning ostidagi yetuk hikmatni faqat Oʻzi biladi. U bandalaridan Xabardor va ularni koʻrib turguvchi Zotdir. Biron narsa U Zotdan yashirin qolmas. U bandalari borasidagi Oʻzi istagan ishini qiladi.