Robbingiz sizlarni yaxshi bilguvchi Zotdir. Xohlasa, sizga rahim qilar, xohlasa sizni azoblar. Va Biz seni ular ustidan qo`riqchi qilib yuborganimiz yo`q. Al-Isra 17:54 ⧉
Tafsir:
Ey odamlar, sizlarni Parvardigoringiz juda yaxshi biladi. Hech bir ishingiz U Zotdan yashirin boʻla olmaydi. Xohlasa, sizlarga rahm qilib, iymon keltirish va solih amal qilishga tavfiq beradi. Xohlasa, kofir holingizda joningizni olib, sizlarni iymondan mosuvo aylab, azobiga giriftor qiladi. Ey Paygʻambar, sizni ularga (ishlarini tekshiruvchi) vakil qilib yubormadikki, ularni iymon keltirishga majbur qilsangiz, kufrdan qaytarsangiz, ammallarini hisoblab borsangiz. Siz bor-yoʻgʻi bir yetkazib qoʻyuvchisiz. Alloh nima yetkazishni buyurgan boʻlsa, oʻshani yetkazib qoʻyasiz, xolos.