Ularning qalblarini mustahkamladik. Qachonki turdilar, bas: «Bizning Robbimiz osmonlaru yerning Robbidir. Undan o`zgani hargiz iloh deya duo qilmaymiz. Agar shunday qilsak, nohaq so`zni aytgan bo`lurmiz. Al-Kahf 18:14 ⧉
Tafsir:
Ularning qalblarini iymon bilan mustahkam, barqaror qildik. Ularga vatandan hijrat qilish mashaqqatlariga sabr ato etdik. Shunda ular kofir podshoh qoʻl ostida turib, shunday dedilar: "Biz iymon keltirgan Parvardigor osmonlaru yerning Parvardigoridir. Undan oʻzga soxta ilohlarga hargiz ibodat qilmasmiz. Undan Oʻzga ilohlarga ibodat qiladigan boʻlsak, nohaq gapni aytgan boʻlib qolamiz".