So`ngra, firqalar o`zaro ixtilofga tushdilar. Kufr keltirganlarga buyuk kundagi ko`rinishdan voy bo`lsin. Maryam 19:37 ⧉
Tafsir:
Talashib-tortishadiganlar Iyso alayhissalom xususida ixtilofga bordilar va bir necha firqalarga ajraldilar. Bir guruh iymon keltirib, uning paygʻambar ekanini tan oldi. Boshqa bir guruh esa, masalan, yahudiylar unga kufr keltirdilar. Ayrim guruhlar hadlaridan oshib, uni Xudo deyishgacha bordilar. Yana bazilar uni Allohning oʻgʻli, deyishdi. Alloh bunday nuqsonlardan Pokdir. Bas, kofir boʻlgan kimsalarga ulugʻ qiyomat kuniga guvoh-hozir boʻlib, amallariga yarasha jazo oladigan paytlarida halokat boʻlgay.