Allohning yo`lida mollarini sarflab, so`ngra sarflari ketidan minnat qilmay va ozor bermaydiganlarning ajrlari Robbilari huzuridadir. Ularga xavf yo`q va ular xafa ham bo`lmaslar. Al-Baqarah 2:262 ⧉
Tafsir:
Allohning toati va roziligi yoʻlida mollarini sarflab, ortidan gap bilanmi yo amal bilanmi minnat qilib, savobini puchga chiqarib yubormaydigan moʻminlarning ajri Pavardigorlari huzuridadir. Ularni oldinda hech qanday xavf-xatar kutmayapti. Erishadigan nematlari buyukligidan ortda qolib ketgan narsalari uchun esa zarracha xafa boʻlmaydilar.