Bas, zulm qilganlar ularga aytilgan so`zni boshqasiga almashtirdilar. Biz zulm qilganlarga fisq qilayotganlari uchun osmondan azob tushirdik. Al-Baqarah 2:59 ⧉
Tafsir:
Zolimlar esa amalida ham, soʻzida ham aynidilar. Quddusga orqalari bilan kirib bordilar va Allohning buyrugʻini mazax-masxara qilishib, "kechir" soʻzining oʻrniga "don" soʻzini aytdilar. (Arabchada bu ikki soʻz shaklda bir-biriga juda yaqin. Nuqtalar ishlatilmaganda esa bir xil) Oqibatda Alloh shariat chegarasidan chiqib ketgan, buyruqqa boʻysunmagan zolimlar ustiga osmondan azob yogʻdirdi.