Ularga Muso: «Holingizga voy! Allohga nisbatan yolg`on uydirmang, bas, sizni azob ila butunlay halok qilur. Batahqiq, kim yolg`on uydirsa, noumid bo`lur», dedi. Ta-Ha 20:61 ⧉
Tafsir:
Muso alayhissalom Firavnning sehrgarlariga nasihat qilib shunday dedi: "Ehtiyot boʻlinglar. Odamlarni sehr bilan aldab, Allohga qarshi yolgʻon toʻqimanglar. Aks holda, Alloh Oʻzi tarafidan bir azob yuborib, sizlarni tag-tomiringiz bilan quritib yuboradi. Allohga qarshi yolgʻon toʻqigan badbaxtning sharmanda boʻlishi muqarrar".