Batahqiq, ilgari Horun ularga: «Ey qavmim, bu bilan fitnaga duchor qilindingiz, xolos. Shubhasiz, Robbingiz Rohmandir. Bas, menga ergashing. Mening amrimga itoat qiling», degan edi. Toha 20:90 ⧉
Tafsir:
Holbuki, Muso qaytishidan oldin Horun ularga shunday degandi: «Oltindan buzoq haykalning yasalishi ham, uning moʻrashi ham bir sinovdan boshqa narsa emas. Shu sinov bilan moʻmin kofirdan ajraladi. Ey qavmim, albatta, sizlarning Parvardigoringiz gapirolmaydigan, foyda ham, zarar ham yetkaza olmaydigan mana bu buzoq emas, sizlarga marhamat koʻrsata oladigan yolgʻiz Rahmondir. Bas, menga ergashib va amrimga itoat etib, yolgʻiz Oʻsha Zotgagina ibodat qilingiz, Undan oʻzgaga ibodat qilmangiz».