Bas, Biz uni (duosini) istijobat qildik. Unga yetgan zararni ketkazdik. Unga ahlini, ular bilan birga yana shunchani ham berdik. Buni O`z rahmatimiz ila va «Obidlarga eslatma bo`lsin», deb qildik. Anbiyo 21:84 ⧉
Tafsir:
Uning duosini ijobat qilib, musibatini aritdik. Yoʻqotgan oilasi va bolalarini qaytarib berdik. Yana oʻshancha ziyodasini ham ato etdik. Bu ishlarni Oʻzimiz tarafimizdan boʻlgan bir rahmat ila hamda Allohga ibodat qiladigan, boʻysunadigan zotlarga eslatma-ibrat boʻlishi uchun, ular ham Ayyubdek sabr qilishlari uchun shunday qildik.