Qo`lingni yoqangning ichiga suq, hech qanday yomonliksiz oppoq bo`lib chiqur. Fir'avn va uning qavmiga qaratilgan to`qqiz mo`'jiza orasida (bu bordir). Albatta, ular buzg`unchi qavm bo`ldilar. Naml 27:12 ⧉
Tafsir:
Qoʻlingni koʻylaging ichiga suq. U qordek oppoq boʻlib chiqadi. Lekin pes kabi kasallik boʻlmaydi. Sening haq ekaningni koʻrsatadigan toʻqqiz moʻjiza ichida bu ham bor. Ular qoʻl, aso, yillar, mevalarning kamayishi, toʻfon, chigirtka, bitlar, baqalar va qon boʻlib, Firavn va uning qavmiga qaratilgan edi. Ammo ular Allohga itoat qilmaydigan fosiq qavm edilar.