Yoki muztar(nochor) odam duo qilganda ijobat etib, uning mushkulini oson qilgan hamda sizni yer yuzida xalifa qilgan Zot yaxshimi?! Alloh bilan birga boshqa iloh bormi? Qanchalik oz eslaysizlar-a?! Naml 27:62 ⧉
Tafsir:
Yoki kasallik, kambagʻallik kabi boshiga biron ish tushgan muztar odam iltijo qilganida duosini ijobat etib, uning mushkulini oson aylaydigan hamda sizlarni zaminga xalifa (bir avlod yashab oʻtganidan keyin uning oʻrniga keyingi avlod yashaydigan) qilib qoʻyadigan Zotmi?! Bu ishlarni Alloh bilan birga yana biron iloh qilganmi?! Juda oz ibrat olasizlar!