Yoki avval boshdan yaratadigan, so`ngra yana qaytadan yaratadigan va sizlarni osmonlaru yerdan rizqlantiradigan Zot yaxshimi? Alloh bilan birga boshqa iloh bormi?! «Agar rostgo`y bo`lsangiz, hujjatingizni keltiring», degin. Naml 27:64 ⧉
Tafsir:
Yoki dastlab bachadonlarda bir tomchi suvdan bosqichma-bosqich bir insonni vujudga keltirgan, keyin uning jonini olgan, undan soʻng esa uni yana qayta tiriltirgan Zotmi? Sizlarga osmondan yomgʻir yogʻdirib, yerdan esa turli xil oʻsimliklarni undirib rizq beradigan kim? Bu ishni Alloh bilan birga boshqa biron mabud ham qiladimi? Ey Paygʻambar, anavi mushriklarga ayting: "Agar sizlar chindan ham oʻzingizni haq deb bilsangiz, qilayotgan ishingizga hujjat keltiringlar".