Batahqiq, Biz avvalgi asrlarni halok qilganimizdan so`ng Musoga odamlar uchun nur, hidoyat va rahmat qilib kitobni berdik. Shoyadki, ular eslasalar. Al-Qasas 28:43 ⧉
Tafsir:
Oldingi ummatlarga paygʻambarlarimizni yubordik. Ular Biz yuborgan paygʻambarlarni yolgʻonchiga chiqardilar. Natijada ularni halok qildik. Shundan keyin Musoga Tavrotni ato etdik. Unda odamlarga foydali boʻlgan narsalar bayon qilingan. Toki, ularga amal qilib, foyda olsinlar. Ularga zararli boʻlgan narsalar ham aytilgan. Toki, ularga yaqinlashmasinlar va zararidan ehtiyot boʻlsinlar. Yana unda odamlarni har ikki dunyo saodatiga olib boradigan ezgulikka boshlovchi koʻrsatmalar ham bor. Shoyadki, ular Allohning nematlarini yodga olib, shukr qilsalar, U Zotga iymon keltirsalar.