Alloh O`z fazlidan bergan narsaga baxillik qilganlar buni o`zlariga yaxshilik deb hisoblamasinlar. Aksincha, bu ularga yomonlikdir. Qiyomat kuni baxillik qilgan narsalari ila bo`yinlari o`ralur. Osmonlaru yerning merosi Allohgadir. Va Alloh qilayotgan amallaringizdan xabardordir. Oli Imron 3:180 ⧉
Tafsir:
Alloh fazlu karami bilan ato qilgan boylikdan Allohning haqini - zakotni berishga baxillik qilgan kimsalar bu qilmishlarini oʻzlari uchun yaxshilik deb hisoblamasinlar. Aksincha, bu ishlari ular uchun yomonlikdir. Chunki shu baxillik qilgan narsalari yaqinda Qiyomat kunida boʻyinlariga tavqi lanat boʻlib osiladi va u bilan azoblanadilar. Osmonlaru yerdagi hamma narsa yolgʻiz Allohga meros boʻlib qoladi. Hamma maxluqotlar oʻlib ketganidan keyin ham U Zot tirik boʻladi. Alloh qilayotgan ishlaringizni eng nozik nuqtalarigacha koʻrib-bilib turibdi va yaqinda munosib jazo yoki mukofotingizni beradi.