Alloh sizni zaiflikda yaratgan, so`ngra zaiflikdan keyin quvvatli qilgan, so`ngra quvvatdan keyin yana zaiflik va qarilik oriz qilgan Zotdir. U xohlaganini yaratadir. U o`ta ilmli va o`ta qudratlidir. Rum 30:54 ⧉
Tafsir:
Ey odamlar, Alloh sizlarni zaifgina bir tomchi suvdan yaratdi. Keyin unga kuch-quvvat ato etib, sizlarni goʻdaklikdan yigitlik, erlik sari olib oʻtdi. Qariganingizdan keyin esa yana zaiflikka qaytaradi. Alloh Oʻzi istagan narsasini Oʻzi istaganidek zaif yo baquvvat qilib yaratadi. U hamma narsani biladigan Bilimdon va har ishni qila oladigan Qodir Zotdir.