Landscape MP4 Vertical MP4

Sura Al-Ahzab — Oyat 50 (Oʻzbekcha) — Video

Al-Ahzab • Oyat 73 dan 50 • Oʻzbekcha


يَا أَيُّهَا النَّبِيُّ إِنَّا أَحْلَلْنَا لَكَ أَزْوَاجَكَ اللَّاتِي آتَيْتَ أُجُورَهُنَّ وَمَا مَلَكَتْ يَمِينُكَ مِمَّا أَفَاءَ اللَّهُ عَلَيْكَ وَبَنَاتِ عَمِّكَ وَبَنَاتِ عَمَّاتِكَ وَبَنَاتِ خَالِكَ وَبَنَاتِ خَالَاتِكَ اللَّاتِي هَاجَرْنَ مَعَكَ وَامْرَأَةً مُؤْمِنَةً إِنْ وَهَبَتْ نَفْسَهَا لِلنَّبِيِّ إِنْ أَرَادَ النَّبِيُّ أَنْ يَسْتَنْكِحَهَا خَالِصَةً لَكَ مِنْ دُونِ الْمُؤْمِنِينَ ۗ قَدْ عَلِمْنَا مَا فَرَضْنَا عَلَيْهِمْ فِي أَزْوَاجِهِمْ وَمَا مَلَكَتْ أَيْمَانُهُمْ لِكَيْلَا يَكُونَ عَلَيْكَ حَرَجٌ ۗ وَكَانَ اللَّهُ غَفُورًا رَحِيمًا 50
Tarjima:
Ey Nabiy, Biz senga mahrlarini bergan juftlaringni, Alloh senga o`lja qilib bergan qo`l ostingdagi(cho`ri)larni, amakingning qizlari, ammalaringning qizlari, tog`angning qizlari, xolalaringning qizlaridan sen bilan hijrat qilganlarini halol qildik. Va agar bir mo`mina ayol o`z nafsini Nabiyga hadya etsa, Nabiy uni nikohlab olishni iroda qilsa, sen uchun maxsus halol qildik. Mo`minlarga emas. Ularga juftlari va qo`llari ostidagi mulk(cho`ri)lari haqida nimani farz qilganimizni bilurmiz. Buni senga tanglik bo`lmasligi uchun qildik. Alloh o`ta mag`firatli va o`ta rahimli Zotdir. Al-Ahzab 33:50 ⧉
Tafsir:
Ey Paygʻambar, dahaqiqat, Biz siz uchun mahrlarini bergan ayollaringizni halol qildik. Alloh sizga asiralardan oʻlja qilib bergan qoʻl ostingizdagi choʻrilaringizni halol qildik. Siz bilan birga Makkadan Madinaga hijrat qilgan amakingizning, ammalaringizning, togʻangizning va xolalaringizning qizlarini halol qildik. Oʻzini paygʻambarga hadya etgan moʻmina ayolni halol qildik. Agar uni oʻz nikohingizga olishni istasangiz, mahrsiz olishingiz mumkin. Oʻzini bagʻishlagan ayolni mahrsiz nikohlab olish moʻminlarga emas, paygʻambargagina xosdir. Biz ularga juftlari va qoʻl ostilaridagi choʻrilari haqida farz qilgan hukmlarimizni Oʻzimiz yaxshi bilamiz. Yani, ular toʻrttadan ortiq ayolga uylanishlari joiz emas. Qoʻl ostidagi choʻrilaridan esa hech bir qaydsiz istaganlaricha foydalanishlari mumkin. Sizga noqulaylik, mashaqqat boʻlmasligi uchun shu imtiyozlarni berdik. Alloh tavba qilgan bandasiga Magʻfiratli va Mehribondir.
X Facebook Minutemailer Stellar WhatsApp Reddit
To‘liq sura videosiga o‘tish
Oldingi Al-Ahzab • Oyat 49 Keyingi Al-Ahzab • Oyat 51