Kim Allohga va Rasulga itoat qilsa, bas, ana o`shalar Alloh ne'mat bergan nabiylar, siddiqlar, shahidlar va solihlar bilan birgadirlar. Va ular qanday ham yaxshi rafiq (hamroh)lardir! An-Nisa 4:69 ⧉
Tafsir:
Kim Allohga va Paygʻambarga itoat etsa, paygʻambarlar bilan, paygʻambarlar olib kelgan hukmlarni toʻla tasdiq etib, ularga toʻla amal qilgan siddiqlar bilan, Allohning yoʻlida jon bergan shahidlar bilan, zohiri ham, botini ham, amallari ham yaxshi boʻlgan solihlar bilan jannatga kiradi. Ular naqadar yaxshi hamrohlardir.