Uning (qudrati) oyat(belgi)laridan osmonlaru yerning yaratilishi va ularda turli jonivorlarning taratib qo`yilishidir. Va U zot, agar xohlasa, ularni jamlashga qodirdir. Shuro 42:29 ⧉
Tafsir:
Osmonlaru yerning yaratilishi va ularga sochib yuborilgan xilma-xil ajoyib maxluqotlar Allohning yagonaligi va qudratiga dalolat qiladigan oyatlaridandir. U Zot istagan paytida ularni hisob-kitob qilish va jazo yoki mukofotlarini berish uchun jamlab olishga Qodir. Ularni dastlab qanday yoʻqdan bor qilgan boʻlsa, oʻshanday yana qayta tiriltiraveradi. Bu ish U Zot uchun ogʻir emas.