Ibn Maryam misol keltirilgan chog`da sening qavming birdan shodlanib qichqirurlar. Zuxruf 43:57 ⧉
Tafsir:
Mushriklar Alloh taoloning: "Sizlar ham, Allohni qoʻyib ibodat qilayotgan butlaringiz ham jahannam oʻtinisizlar. Sizlar unga tushguvchidirsizlar", degan oyati mazmunida oʻzlari ibodat qilayotgan Iyso alayhissalom ham bor, deb oʻyladilar. Chunki Alloh boshqa butlarga ibodat qilishdan qaytarganidek, Iysoga ibodat qilishdan ham qaytargandi. Shuning uchun Alloh aytyaptiki, ey Paygʻambar, qavmingiz baqir-chaqir qilib: "Xudolarimiz Iyso maqomida boʻlishiga rozimiz", deydilar. Alloh bunga raddiya bildirib, mana bu oyatni nozil qildi: "Albatta, Biz tarafimizdan goʻzal (martaba) berilgan zotlar, ana oʻshalar (doʻzaxdan) uzoq qilinguvchilardir".