Bas, ularning orasidan firqalar ixtilof qildilar. Zulm qilganlar holiga alamli kun azobidan voy bo`lsin! Zuxruf 43:65 ⧉
Tafsir:
Nasroniylar orasidan chiqqan firqalar Iyso haqida ixtilof qildilar. Kimdir uni "xudo" desa, yana kimdir "xudoning oʻgʻli", dedi. Yana kimdir: "Uning oʻzi ham, onasi ham ikki xudolar", dedi. Bas, Iysoni hali "xudo" deb, hali "xudoning oʻgʻli" deb, "uchtaning uchinchisi" deb, oʻz joniga jabr qilgan zolimlarga halokat boʻlsin. Ularni Qiyomat kuni alamli azob kutib oladi.