Osmonlaru yerni hamda ular o`rtasidagi narsalarni faqat haq va belgilangan muddat ila yaratdik. Kofirlar bo`lsa, o`zlari ogohlantirilgan narsadan yuz o`giruvchilardir. Ahqof 46:3 ⧉
Tafsir:
Osmonlaru yerni va ular orasidagi narsalarni bekorga yaratmadik. Hammasini haq va yetuk hikmat bilan yaratdik. Toki, ulardan ayrimlarini bandalar tanisinlar, bilsinlar va yolgʻiz Allohga ibodat qilib, U Zotga shirk keltirmasinlar. Zamindagi xalifalik vazifalarini faqat Allohga ayon boʻlgan muddatga qadar halol bajarsinlar. Allohga kufr keltirgan kimsalar esa Allohning kitobida kelgan ogohlantirishlardan yuz oʻgiradilar, ularga parvo qilmaydilar.