Allohni qo`yib, qiyomat kunigacha duosini mustajob qilolmaydiganlarga iltijo etadiganlardan ham adashganroqlar bormi?! Holbuki, u(but)lar ularning duosidan g`ofildirlar. Al-Ahqaf 46:5 ⧉
Tafsir:
Allohni qoʻyib, to Qiyomatga qadar biron duoni ijobat qila olmaydigan butlarga ibodat qiladigan kimsadan koʻra adashganroq odam yoʻq. But-sanamlar unga biron foyda yoki zarar yetkazish u yoqda tursin, hatto uning duosidan gʻofildirlar, eshitmaydilar.