Alloh sizlarga ko`pgina o`ljalarni va'da qildi. Ularni olursizlar, bunisini sizga tezlatib berdi, (o`tgan voqea) mo`minlarga ibrat bo`lishi uchun va sizlarni sirotul mustaqiymga boshlash uchun odamlarning qo`lini sizdan to`sdi. Fath 48:20 ⧉
Tafsir:
Ey moʻminlar, Alloh sizlarga koʻp oʻljalarni vada qildi. Ularni kelajakdagi Islomiy zafarlarda qoʻlga kiritasizlar. Xaybar oʻljalarini sizlarga tezlashtirib berdi. Yahudiylar sizlardan keyin oilalaringizga hamla qilmoqchi boʻlgandilar. Ularning qoʻllarini tiyib qoʻydi. Toki bu tezlashtirib berilgan oʻljalar sizlar uchun Allohning qoʻllab-quvvatlashiga bir belgi boʻlsin. Toki Alloh sizlarni hech bir egriligi yoʻq eng toʻgʻri yoʻlga hidoyat qilsin.