Alloh: «Men, albatta, uni sizlarga tushirguvchiman. Bas, bundan keyin sizlardan kim kufr keltirsa, uni olamlarda hech kimni azoblamagan azob ila azoblagayman», dedi. Al-Ma'idah 5:115 ⧉
Tafsir:
Alloh Iyso alayhissalomning duosini ijobat qilib, shunday dedi: "Sizlar soʻrayotgan dasturxonni nozil qilurman. U nozil boʻlganidan keyin kim yana kufr keltirsa, oʻzidan koʻrsin. Uni shu qadar qattiq azoblaymanki, hech kimni unday azoblamayman. Chunki u yorqin belgini oʻz koʻzi bilan koʻradi va shuning uchun uning kufri sarkashlikdan boshqa narsa boʻlmaydi". Shundan soʻng Alloh vadasini bajarib, ularga dasturxon nozil qildi.