«Ey, ahli kitoblar! Bizni faqat Allohga hamda o`zimizga nozil qilingan va avvallari nozil qilingan narsalarga iymon keltirganimiz uchun va sizlarning ko`pchiligingiz fosiq bo`lganingiz uchun ayblaysizlarmi?!» – deb ayt. Moida 5:59 ⧉
Tafsir:
Ey Paygʻambar alayhissalom, ahli kitobning oʻsha masxarabozlariga aytingki, sizlar oʻzi bizni nima uchun ayblayotganingizni bilasizlarmi? Chunki biz Allohga, Uning bizga nozil qilgan shariatiga va bizdan oldingilarga nozil qilgan shariatlariga iymon keltirganmiz. Sizlarning esa aksariyatingiz Allohga iymon keltirish va Uning farmonlarini bajarishdan bosh tortib, itoatsiz osiylar boʻlib ketgansizlar. Sizlarning bu ayblovingiz biz uchun mazammat emas, maqtovdir.