Ular qasamlarini o`zlari uchun qalqon qilib oldilar. Bas, Allohning yo`lidan to`sdilar. Ularga xorlovchi azob bordir! Al-Mujadila 58:16 ⧉
Tafsir:
Ular kufri sababli qatl qilinishlari mumkin edi. Shundan saqlanib qolish uchun til uchida iymon keltirdik, deb ichgan qasamlarini oʻzlariga qalqon qilib oldilar. Chunki ular mollari va jonlarini oʻzlarini musulmon qilib koʻrsatish orqali asrab qolgandilar. Musulmonlarning qiziqishlarini soʻndirib, dillariga gʻulgʻula solib haqdan toʻsadilar. Bas, ularni xor-zor qiluvchi azob bordir.