Alloh barchalarini qayta tiriltiradigan kunda, qilgan ishlarining xabarini berur. Alloh hisoblab turgan, ular esa unutganlar. Holbuki, Alloh har bir narsaga shohiddir. Mujodala 58:6 ⧉
Tafsir:
U kunda Alloh taolo hech kimni qoldirmasdan barchani qayta tiriltiradi. Keyin dunyo hayotida qilib oʻtgan qabih amallarini eslatadi, hammasini hisob-kitob qiladi, hech bir amalni oʻtkazib ham yubormaydi, unutib ham qoʻymaydi. Ular nomai amollarida oʻzlari unutib yuborgan katta-kichik barcha gunohlarining bitib qoʻyilganini koʻradilar. Alloh taolo hamma narsadan Xabardordir. Ularning amallaridan biron narsa Undan maxfiy qolmaydi.