Agar Biz ularga farishtalarni tushirsak ham, ularga o`liklar gapirsa ham va ularning oldiga hamma narsani ochiq-oydin to`plasak ham, Alloh xohlamasa, iymon keltirmaslar. Lekin ko`plari johildirlar. Al-An'am 6:111 ⧉
Tafsir:
Biz ularning talablarini qondirib, farishtalarni tushirsak ham, ularga oʻliklar gapirib, siz olib kelgan vahiy haq ekanini aytsalar ham, xullas, ular qoʻyayotgan talablarning hammasini oldilariga qoʻyib qoʻysak va oʻz koʻzlari bilan koʻrsalar ham baribir iymon keltirmaydilar. Alloh Oʻzi hidoyat berganlarigina bundan mustasno. Lekin ularning koʻplari buni bilmaydilar. Shuning uchun hidoyatga muvaffaq aylashini soʻrab, Allohga iltijo qilmaydilar.