Allohdan o`zgani hakam qilib olaymi? Holbuki, U sizga kitobni batafsil etib nozil qildi. Biz ularga kitob berganlar uning Robbingdan haq ila nozil qilinganini bilurlar. Bas, shak keltiruvchilardan bo`lma. An'om 6:114 ⧉
Tafsir:
Ey Paygʻambar, anavi Allohdan boshqaga ibodat qilayotgan mushriklarga ayting: "Allohdan boshqani hakam qilib olishim aql bovar qiladigan ishmi? Sizlarga Quronni hamma-hamma narsaning toʻla bayoni bilan nozil qilgan Zot Alloh-ku! Biz Tavrotni bergan yahudiylar ham, Biz Injilni bergan nasroniylar ham, Quronning sizga nozil qilingan haq ekanini juda yaxshi biladilar. Chunki oʻsha kitoblarida bunga dalil bor. Shunday ekan, siz Biz qilgan vahiy haqida hargiz shak-shubhaga bora koʻrmang!