Allohning ismi zikr qilinmagan narsalarni yemanglar. Albatta, bu ish fisqdir. Albatta, shaytonlar o`z do`stlariga sizlar bilan tortishishni vasvasa qilurlar. Agar ularga itoat qilsangiz, sizlar ham mushriklardan bo`lursizlar. Al-An'am 6:121 ⧉
Tafsir:
Ey musulmonlar, Allohning nomi aytilmasdan soʻyilgan hayvonning goʻshtini yemanglar. Bunda Allohdan boshqaning nomi aytiladimi, yoʻqmi, farq qilmaydi. Undan tanovul qilish Allohga itoatsizlikdir, masiyatdir. Shaytonlar oshnalarining koʻngliga shubhalar solib, ularni sizlar bilan oʻlimtikni yeyish borasida talashib-tortishishga vasvasa qiladilar. Ey musulmonlar, ularga bosh egib, oʻlimtikni mubohga aylantiradigan boʻlsangizlar, oʻzlaringiz ham xuddi ulardek mushrikka aylanasizlar.