U bandalari ustidan g`olibdur. U hikmat egasi va har bir narsadan xabardordir. An'om 6:18 ⧉
Tafsir:
U har jihatdan Gʻolib, Oliy va Buyukdirki, hamma bandalari Uning qoshida xordir. Hech kim Uni yengolmas. Hech bir ish uni qiyin ahvolga solib qoʻyolmas. Hamma unga boʻysunar. Har qanday nuqsondan pok Alloh bandalari ustida Oʻziga xos maqomdadir. U yaratishi, boshqarishi va hukm chiqarishida har bir ishni hikmat bilan qiladigan Zotdir. U har narsadan Ogohdirki, biron narsa Undan yashirin boʻla olmas.