U sizlarni loydan yaratgan, so`ngra ajalni belgilab qo`ygan Zotdir. Belgilangan ajal esa Uning huzuridadir. Shundan keyin ham siz shak keltirursiz. Al-An'am 6:2 ⧉
Tafsir:
Ey odamlar, Oʻsha har qanday nuqsondan pok Alloh sizlarni otangiz Odam alayhissalomni yaratayotganda loydan yaratdi. Keyin esa shu dunyo hayotida qolish muddatingizni belgiladi. Boshqa bir muddat ham belgiladiki, uni Oʻzidan boshqa hech kimsa bilmaydi. U Qiyomat kuni qayta tirilish onidir. Shundan keyin ham sizlar U Zotning qayta tiriltira olish qudratiga shak keltirursizlar.