Muso o`z qavmiga: «Ey qavmim, Allohning Rasuli ekanimni bilib turib yana nima uchun menga ozor berasiz», deganini esla. Ular (haqdan) burilgan edilar, Alloh ularning qalbini burib qo`ydi. Alloh fosiq qavmlarni hidoyat qilmas. Soff 61:5 ⧉
Tafsir:
Ey Paygʻambar, eslang! Oʻshanda Muso qavmiga dedi: "Ey qavmim, nima uchun menga ozor berasizlar, gapimga quloq solmaysizlar?! Axir mening sizlarga yuborilgan Allohning paygʻambari ekanimni bilasizlar-ku". Oʻzlari paygʻambar olib kelgan haqdan yuz oʻgirgach, Alloh ham ularning qalblarini haqdan burib qoʻydi. Alloh itoatsiz, fosiq qavmni hidoyat qilmas.