Oyatlarimizni yolg`onga chiqarganlarni esa, ular bilmaydigan tomondan asta-sekin olamiz. A'rof 7:182 ⧉
Tafsir:
Oyatlarimizni yolgʻonga chiqarib, ularga iymon keltirmay, inkor qilgan kimsalarga nozu nemat darvozalarini lang ochib, ularni istidroj eturmiz. Gʻaflatda qolib, zalolat shotisining eng baland pogʻonalariga koʻtarilganlaridan keyin esa toʻsatdan ularga azobimizni yuborurmiz. (Istidroj - qoʻyib berish, muhlat berish, tez jazolamasdan koʻproq gunoh qilishiga imkon berib, oxirida toʻsatdan, kutilmaganda jazoga tortish).