Ularni siz o`ldirmadingiz, balki Alloh o`ldirdi. Otgan paytingda, sen otmading, balki Alloh otdi. Va mo`minlarni go`zal sinov ila sinash uchun (shunday qildi). Albatta, Alloh eshitguvchi va bilguvchi Zotdir. Anfol 8:17 ⧉
Tafsir:
Ey moʻminlar, Badr jangida mushriklarni oʻz kuch-quvvatingiz bilan emas, Allohning madadi bilan oʻldirdingiz. Ey Paygʻambar, mushriklarga otganingizda, siz otmadingiz, balki, Alloh otdi. Alloh moʻminlarni goʻzal tarzda sinash uchun odam sonlari ham, harbiy tayyorgarliklari ham gʻanimnikidan ozroq boʻlishiga qaramasdan, ularga gʻalaba ato etdi. Toki, Allohga shukr qilsinlar. Albatta, Alloh duoyingizni eshitadigan, qilgan ishlaringizni koʻrib-bilib turadigan va sizlarni nima isloh qilishidan xabardor Zotdir.