Ular Allohni qo`yib o`zlarining hibr va rohiblarini hamda Masiyh ibn Maryamni Robb tutdilar. Ular faqat bitta ilohdan boshqaga ibodat qilmaslikka amr qilingan edilar. Undan o`zga ibodatga sazovor zot yo`q. U zot ular shirk keltirayotgan narsadan pokdir. Tavba 9:31 ⧉
Tafsir:
Yahudiylar oʻzlarining olimlarini, nasroniylar esa ruhoniylarini parvardigor qilib oldilar. Ular Alloh harom qilgan narsani halol, Alloh halol qilgan narsani esa harom qilib berdilar. Nasroniylar Masih Iyso ibn Maryamni Allohga qoʻshib, iloh deb bildilar. Holbuki, Alloh yahudiylarning olimlarini ham, nasroniylarning ruhoniylarini ham, Uzayrni ham, Iyso ibn Maryamni ham yolgʻiz Oʻzigagina bandalik qilishga buyurgandi. Har qanday nuqsondan pok Alloh yagona ilohdir. Undan oʻzga chin mabud yoʻqdir. Buyuk Parvardigor mushriklar va boshqalar aytayotgan nuqsonlardan pokdir.