Lekin Payg`ambar va u bilan birga iymon keltirganlar mollari va jonlari bilan jiddu jahd qildilar. Ana o`shalarga, o`zlariga yaxshiliklar bo`ladir. Ana o`shalar, o`zlari najot topguvchilardir. Tavba 9:88 ⧉
Tafsir:
Paygʻambar va uning atrofidagi moʻminlar esa munofiqlarga oʻxshab, jihoddan qolmadilar, Allohning yoʻlida molu jonlari bilan kurashdilar. Ularning mukofoti Alloh huzuridadir. Ular gʻalaba va oʻlja kabi shu dunyo manfaatlariga ham, jannatga kirish, murodga yetish, najot topish kabi oxirat manfaatlariga ham noil boʻladilar.