O`zing ne'mat berganlarning yo`liga. G`azabga qolganlarnikiga ham emas, adashganlarnikiga ham emas. Fotiha 1:7 ⧉
Tafsir:
Yahudlar kabi haqni tanib turib, unga ergashmasdan gʻazabga uchraganlarning emas, nasorolar kabi yetarlicha harakat qilmasdan haq dinni topa olmagan adashganlarning ham emas, paygʻambarlar, siddiqlar, shahidlar va solihlar kabi Sen tarafingdan hidoyat nemati ato etilgan bandalaring yoʻliga. Ular naqadar xush, naqadar yoqimli hamroh-hammaslaklardir.