Quronning ayrim suralari mana shunday harflar bilan boshlanadi. Bir qaraganda ular hech qanday manoni anglatmaydigan oddiy harflardek koʻrinadi. Aslida esa ularda chuqur mano va hikmat bor. Zero, Qurondagi bironta harf behikmat emas. Eng ahamiyatli hikmatlaridan biri shuki, Quron oʻsha arablar biladigan, taniydigan, gapiradigan tilda nozil boʻlgan va ularni bellashuvga chorlagan. Shuning uchun ham koʻpincha bunday harflardan keyin Quroni karimning biron nomi zikr qilinadi. Chunonchi, shu surada ham ayni holatni koʻramiz.