Har ummatning o`z Payg`ambari bordir. Qachonki ularga Payg`ambarlari kelsa, oralarida adolat ila hukm chiqarilur. Ularga zulm qilinmas. Yunus 10:47 ⧉
Tafsir:
Oʻtgan ummatlarning har biriga bir paygʻambar yuborilgan. Paygʻambar kelib, risolatni yetkizgach, uni yolgʻonchiga chiqarganlaridan keyin ularning orasida adolat bilan hukm qilindi. Alloh Oʻz fazli bilan Paygʻambariga najot berdi va Oʻz adli bilan zolimlarni halok qildi. Ular zarracha zulm qilinmasdan, amallariga yarasha jazo oldilar.