Ogoh bo`lingkim, osmonlarda kim bo`lsa va yer yuzida kim bo`lsa, albatta, Allohnikidir. Allohdan o`zga sheriklarga iltijo qilayotganlar nimaga ergashurlar? Ular faqat gumonga ergashurlar, xolos. Ular faqat taxmin qilurlar, xolos. Yunus 10:66 ⧉
Tafsir:
Ogoh boʻlingizkim, albatta osmonlaru yerdagi hamma narsalar yolgʻiz Allohning mulkidir. Allohni qoʻyib, butlarga ibodat qiladigan kimsalar nimaga ergashadilar? Aslida ular gumondan boshqa narsaga ergashmaydilar. Ularning butlarni Allohga sherik qilishlari yolgʻonchilikdan oʻzga narsa emas. Alloh ularning gap-soʻzlaridan Oliydir, Buyukdir.