Allohga nisbatan yolg`on to`qigan kimsadan ham zolimroq odam bormi? Ana o`shalar Robbilariga ro`baro` qilinurlar va guvohlar: «Anavilar Robbilari sha'niga yolg`on gapirganlardir. Ogoh bo`lingkim, Allohning la'nati zolimlargadir», derlar. Hud 11:18 ⧉
Tafsir:
Alloh shaniga "bolasi bor", "sherigi bor", deya yolgʻon toʻqigan odamdan ham zolimroq kimsa yoʻqdir. Ana oʻshalar Qiyomat kuni Parvardigorlariga roʻbaroʻ qilinurlar va qilgan amallaridan hisob olinur. Oʻshanda farishta va paygʻambarlardan iborat boʻlgan guvohlar: "Mana shular "bolasi bor", "sherigi bor", deya Alloh shaniga yolgʻon toʻqiganlar", derlar. Ogoh boʻlingizkim, Alloh shaniga yolgʻon toʻqigan zolimlarni Alloh Oʻz rahmatidan quvgay.